請客 -- 蕃茄薯仔牛腱湯

今天好勢利，不單只煲了蕃茄薯仔牛腱湯，仲叻到請了個舊同學來食飯，哈哈！

自由神像

來了一個月都未去自由神像。去自由神像要俾$10坐ferry去到個island，係個島度望上去，之後再去隔雜的ellis island。

既然遲d都會等埋佢先去，所以冇花多$10自己去了先。

聽同事講由manhattan坐去staten island的ferry唔駛錢，而且會經過自由神像，真係值得一去。

所以，我今天坐了staten island ferry路過...


Other photos for Staten Island

Shopping Day vs Black Friday

今天係thanksgiving 之後的星期五，雖然唔係公眾假期，但好多人都會請假。我起初以為d人請假係因為long weekend去玩，但原來唔單止係咁簡單！

好多shops都會係今天大減價，仲要係6am-10am 30% off，10am-2:pm 20% off咁樣。d shops會一早開門，d人都會晨早去shopping，聽過話thanksgiving之後就會買christmas gift。

最勢利係話今天叫"black friday"，係因為好多公司的account都係靠呢日由紅轉黑，即係由負變正，美國經濟數據都睇今天零售指數喎，真係唔係咁簡單！

朝早起身返工真係以為起錯身，條街冇咩人、subway又係冇咩人，我已經遲了d，成9:00am先返到公司，都係冇咩人！

lunch去了食四川菜，1點食到2點幾，今天好有係香港12月24日冇咩人返工，食lunch食好耐個feel。

青瓜炒雞柳

今晚青瓜炒雞柳...

Thanksgiving

今天係thanksgiving，美國人好重視呢日，好似我地中國人做冬過年咁緊要！

朝早有個 thanksgiving parade，路過我apartment樓下，一早已經有好多人企晒係度等睇。我地去了apartment的9樓平台，都睇到下。其實只係d好大的ballon飛下飛下，又行下停下，冇咩特別！

Thanksgiving parade photos

紐約八大

到了紐約已經一個月，這一個月內除了煮飯之外，對紐約都多了一番認識。雖然已經習慣了在這裡工作和生活，但有些生活細節仍很介意，相反，在這裡的有些事卻令我欣賞呢！

4 Best of New York

1. 生活悠閑 工作享受
   我想我來到紐約的最大得著一定要可以好好的休息一下和享受生活。雖然這裡也是一個大都市，但生活節奏真的比不上香港。這裡的人很注重family life，很少會留在公司加班。若你5時多仍留在公司的話，同事們都會一一問你為何未放工。而且，在這裡工作得到很多認同，只是完成少少的一個task，我一定會得到一個 “thank you charlotte” 的email。在香港，老闆說你做得好是應份，做得更好才先bonus。如果在香港有一天沒有給同事責罵的話，便是好彩；在這裡，如果有一天沒有給別人讚賞的話，便要檢討。在這裡，我是在享受生活和工作，真的未能在香港感受到。
2. 下廚
   因為生活悠閑，令我沾上了下廚這個玩意。當你用上2-3小時泡製了一煲老火湯時那個滿足的感覺真是很難形容。最好的是煮飯後不想洗碗的話可以放在洗碗碟機解決。在香港，我從不下廚，只會在真的沒東西吃時才簡單煮個麵，不要說是煲湯，我連煮飯和炒菜也不會。我想這個是他的最大得著吧！
3. 韓國菜
   曾經提過，只從有一次在香港用了$300兩個人食了一餐所謂的韓國燒烤buffet之後，在香港就沒有再吃過韓國菜。在這裡，我最愛的不是chinatown的中菜﹝因為自己都可以煮﹞，而是在west 32nd street的韓國菜。不但前菜豐富而好吃，主菜亦值回票價。最愛的是豆腐?和石頭飯：豆腐?通常會有牛肉或海鮮﹝即是墨魚之類﹞，加上少少類似韓國人造泡菜的醬汁，豆腐非常滑，用來配飯最好不過；石頭飯有菜有肉，加上特別的醬汁﹝類似辣椒醬但不太辣﹞和生蛋黃，再將飯黏在石頭大碗邊造成少少飯焦，好吃得不得了！
4. 電視節目
   放工吃飯後除了上網真的沒什麼好做，經同事介紹後發現有不少電視節目都值得一看。現在每天在公司先查一下當晚有什麼電視節目，回家後就一一追看。在這裡沒有像香港連續5晚播的電視劇集，tv series通常每星期播一集，例如逢星期三晚會播新一集的 “American Next Top Model”，如果星期三看不到，通常都有重播，可能是星期五和下一個星期一重播。我比較喜歡這裡的reality show，因為有很多drama都在我到前開始播，不知之前的劇情，很難追看。相反，有很多reality show每集都是獨立故事，不用追看。我一星期的電視節目表：
   MON-FRI 7:00pm Pyramid – Game show, 有點像「超級無敵大電視」
   MON-FRI 7:30pm Family Feud – Game show, 2個家庭各5人對賽，主持人會發問一些問題，例如 “Name an animal that kid will draw in school”，參賽者要盡量回答 “Number 1 answer”，即全國調查所得的top answer，愈接近top answer得分愈高
   MON 8:00pm Trading Spouses: Meet Your New Mommy – Reality show, 2個家庭的媽媽在對方家庭住一個星期，處理別人的家中大小事務，參與別人的朋友聚會
   TUE 9:00pm Amazing Race 6 – Reality show, 在香港明珠台也有轉播Amazing Race 5, 有點像無線那些「蜜月狂奔」「大學生狂奔」等
   WED 8:00pm American Next Top Model – Reality show, 全美模特兒大賽
   THUR 9:00pm The Apprentice 2 – Reality show, 即「飛黃騰達」
   

4 Worst of New York

1. Noises
   住在Manhattan最貴的地方雖然交通方便，但各類車發出的喇叭響聲真的很擾民。這裡的司機很不耐煩，動不動也響喇叭，最討厭的是警車和消防車，它們的喇叭響聲非常刺耳，而且有很多響聲的種類。不知Manhattan是否天天都有意外、火警，或是警車和消防車在街上行駛便要響喇叭，這些嘈音無時無刻都存在。我住在36樓也像住在旺角的唐樓一樣！
2. 靜電
   從上機開始那張毛毯的靜電開始，我天天都儲了不少能量﹝電﹞！不知是否真的因為天氣乾燥，早上起床開燈電一次，出門開門電一次，坐subway過咭電一次，回到公司開門又電一次… 現在我不會徒手接觸所有金屬表面，在apartment會用毛巾包著來開，在公司找staff card，在街就用紙巾。曾經有一次，同事將電話交給我，「達」一聲，我們互相被電﹝無錯，我們過電！﹞
3. TAX
   這裡有sales tax 8.25%，每次買東西都不知實際要給多少錢，很多2.99, 3,99, 5.99加上稅就是另一個價錢。
4. TIPS
   這裡習慣出外用膳後給tips 10-15%，每次計算tips又是很討厭，往往算少了餐廳的人會追上說不夠。我們都被追了幾次！

其實還有很多best and worst，可能一個月後我又有新的體會呢！

紅蘿蔔豬骨湯

煲了3個鐘...夠飲3天！

老土

今日煮野食掛住玩webcam，先係煮膿麵、跟住煎膿餃子，仲要整著了個smoke detector，攪到佢不斷咁響！要打電話去Concierge叫佢整番熄...

好老土！

Christmas Tree

今日放工返到apartment時，見到樓下decorate到好靚。有好多christmas的decoration，好有氣氛，棵聖誕樹好高好靚，忍唔住用部電話影了張相。

絲瓜炒魚肉

魚肉好夠味，又留番半碟明天食。

木瓜魚湯

又到星期日去chinatown買?的日子。

婆婆叫我煲木瓜，真係俾我見到有細的木瓜賣，又用$0.6買了條紅衫魚煲了「木瓜魚湯」，好甜好好味！

今天在煮埋我的favourite豉油雞翼加上老山東的餃子，YUMMY!

之後就會煲紅蘿蔔豬骨湯...

勇闖哈林

哈林區是new york出名的黑人區，在Manhattan的120幾街以上。所有旅遊書、雜誌都叫遊客入夜後唔好去。

今天我們去了在East 89th streeth的"Solomon R. Guggenheim Museum"(古根漢美術館)，去完3點幾，又因為落雨唔知去邊好，竟然決定行上125th street的哈林區！

一路行都冇咩野，但真係愈向北行，白人的數目愈少，黑人愈多。上到105th street左右，d黑人開始望下望下，因為我地黃皮膚的人真係佢地地頭的異族。行行下又光猛番d，最後真係行到125th street即刻坐subway番落midtown。

wow...一額汗..

OT

來了4個星期，今天第一天OT。原本plan8點零可以走，最後成10點半先放工，真係夜！

但一次半次冇所謂啦。

豐富的韓式午餐

自從有一次係香港用成$300兩個人食了個冇野食的所謂韓國燒烤buffet之後，係香港就冇再食過韓國野。來到new york我又愛上了食韓國野。

今天lunch行了去32nd street(公司係40th street)的韓國街食lunch，去了上次同d舊同學食dinner那間。2個人每人order了一個lunch special，好似食d日本lunch box咁，有飯、牛肉、沙津、炒粉絲、2件加州卷、1件煎餃子，凈係呢個lunch box都食唔晒啦... 佢竟然仲有...

前菜8碟(每碟都唔細架)、煎豆腐一碟、每人一碗湯、一碗青口、一杯賓冶...

最後埋單仲有一碗糖水... ohoh..救命呀！

埋單俾埋tax同tips每人$11..真係抵食...

所以今晚冇煮飯..食了少少野...

有野做

來了就快一個月，返工都仲係冇咩特別野做。今天終於全日full time係做公司野，有個program寫下，又幫呢度個team解決下問題，咁先冇咁悶。

茄子排骨

真係要諗下係咪要將呢個blog改做 charlotte@cook，呢個星期都係講煮飯，哈哈！
今天小妹煮的係茄子排骨，唔好以為我一個人食咁大煲，因為茄子切了唔放得，所以一次過煮晒2天，有一半留起了明天或後天食架！

煲仔飯

今天將瘦肉放係飯面一齊煮，特登煮耐少少，有d飯焦，估唔到係度都可以食到煲仔飯！

白菜魚湯

今天煮飯﹝真係用米煮成飯架！﹞同埋煲白菜魚湯，冇得頂！

下廚

今天去了chinatown買菜，真係平過d鬼佬街市好多....

買了：
米一包 $2.47
李錦記豉油雞汁 $1.77
李錦記雞粉 $2.xx
大白菜一棵 + 薑一舊 $1
茄子一個 $0.4
魚尾一條 $0.8
雞中翼一磅 + 排骨半磅 $3.1
餃子30隻 $5
提子一"抽" $3

真開心，等緊下廚的時候，但抽到我手都斷...

Washington

今天租了車駕落Washington，做資料搜集話4個鐘內到，我地仲print晒d driving direction出來，諗住冇問題。去之前仲打自去new jeresy接埋另一個同事，點知...

去到new jeresy miss了個路口，好似上了highway，轉了一段時間先去到接個同事。好彩有個老細同我地一齊去，佢話一定要買driving map，我地又花了少少時間買map，又花了多少少時間找路上highway...原本打算7點幾出發，最後成9點半先上到highway...

去到Washington已經成點鐘，去到更唔知點樣兜，兜兜下去了對面河。見到riverside有個park幾靚就落車影幾張相，跟住又兜兜下見到Washington monument附近可以停一停又影了幾張相。最後終於見到可以泊車的地方，就係burger king食了我地的lunch，那時已經係3點幾！！

打算去埋白宮入黑前就返new york，附近又係冇得legally咁泊車，最後大老細竟然放低我地叫我地去影相，佢駕住車兜下等我地！真係勁唔好意思！我地好快咁係白宮背面影了d相咁就上車走啦！係Washington真係落地行的時間都唔夠半個鐘，但冇計啦~~

返new york時係highway又選錯路行，兩條路都係向北行，都去到new york，但我地行錯那條冇咁直接，又曾經經過d town仔，幾驚唔知去了邊，好彩最後都返到new york。加埋係new jeresy塞車過new york，成11點幾先還車。大家已經倦到dinner都唔想食，飲杯starbucks就各自返去訓覺.....

雖然時間係短d，但都係一個經驗，況且Washington真係冇咩野睇同玩，其實影了d相夠咯！

Washington trip photos

菜炒肉片

今天試炒肉片，原來自己都識煮飯架！

蕃茄肉片湯

放工去了韓國人supermarket，見到d蕃茄真係好正，仲買了d菜、豬肉同麵。

最後煲了個蕃茄肉片湯，正！

新居入伙

終於搬去新apartment！！

一定要多謝see lock和eric仗義幫忙，如果唔係我一個人真係唔知點handle那2個lugguage。

新apartment真係好新好靚，living room和bedroom都有電視，仲有dvd player添！呢度的係open kitchen，煮飯都煮得開心d...一定要去韓國人supermarket買d菜呀肉呀返來煮下飯！

呢度有個露台，我地黃昏到時個景好正，遠遠望到岸邊，夜晚d building的燈光都好正，好舒服。

其實今天除了搬屋仲去了museum of natural history睇恐龍骨。個museum係好大，咩都有，但d展品冇咩特別...

New apartment photos

Museum of natural history photos

老朋友

今天真開心，冇同幾個男同事出街，自己一個去了downtown。去了wall street、new york stock exchange、battery park、world trade centre site等等。最開心係一個人shopping，買了d衫呀、飾物咁...

夜晚約了兩個舊同學食韓國野，真開心！佢地仲帶我去了個韓國人supermarket，裡面好多野賣，真係要搬了之後煮下飯...

Downtown trip photos