一個人

16個鐘的飛機，斷斷續續訓了都有接近8個鐘。Business class貴過人，真係連service同野食都好好多。好彩坐隔離的係一個去new york開會的香港女士，如果唔係都訓唔著。

落機發現天氣陰陰沉沉，可能係個機場分了好多terminal，所以好少人。上了架黑人駕的的士，有少少驚，但其實佢好好人。大約半個鐘就去到我的apartment，一入到去個感覺唔好，怪怪的，可能係太黑。

settle了之後有d肚餓，落街行下睇下有咩食，反而搵到個subway站，at least第日返工都識搭車。都係冇咩野食，返去整個麵食。

好似等了好耐先到6點幾7點，可以打返香港。一聽到佢地把聲真係想喊，心諗：「點解當初我要話來半年?」